რუსეთის ქალაქ ეკატერინბურგიდან პირდაპირი ფრენები თბილისის და ქუთაისის მიმართულები შემდეგი კვირიდან დაიწყება. ამის შესახებ ინფორმაცია ურალის ტურიზმის ასოციაციის ხელმძღვანელმა გაავრცელა. ფრენები ქუთაისის მიმართულებით 31 ოქტომბერს დაიწყება, თბილისის მიმართულებით კი – 2 ნოემბერს. რეისებს ავიაკომპანია Red Wings განახორციელებს.
აღსანიშნავია, რომ ეკატერინბურგიდან საქართველოში ფრენები 2019 წლის შემდეგ არ შესრულებულა. ხოლო, 2023 წლის 15 მაისიდან, რუსეთის პრეზიდენტმა ვლადიმირ პუტინმა საქართველოს მოქალაქეებისთვის სავიზო რეჟიმი გააუქმა და რუსულ ავიაკომპანიებს საქართველოში ფრენაზე შეზღუდვებიც მოუხსნა.