რეისის დაგვიანება მოგზაურობის ერთ-ერთი ყველაზე არასასიამოვნო ნაწილია. წარმოიდგინეთ, რომ თქვენი სასურველი შვებულება პარიზის დათვალიერებით უნდა დაწყებულიყო, თუმცა აეროპორტში აღმოაჩენთ, რომ ფრენა გაურკვეველი დროით გადაიდო. ერთი შეხედვით თითქოს მხოლოდ ლოდინი გიწევთ, მაგრამ რეალურად ასეთ დროს ძალიან მნიშვნელოვანია, იცოდეთ რა უნდა გააკეთოთ და რის უფლება გაქვთ. სწორად მოქმედება დაგეხმარებათ, რომ თავიდან აიცილოთ ზედმეტი ხარჯები, ნაკლები სტრესი მიიღოთ და საჭიროების შემთხვევაში კომპენსაციაც მოითხოვოთ.
რას ვაკეთებთ პირველ რიგში?
თუ გაიგეთ, რომ რეისი გადაიდო, ჯერ ზუსტად გაარკვიეთ მიზეზი და სავარაუდო დრო. ეს ინფორმაცია შეგიძლიათ მიიღოთ საინფორმაციო დაფიდან ან ავიაკომპანიის წარმომადგენლისგან. პარალელურად აუცილებლად შეინახეთ ჩასასხდომი ბარათი, დაჯავშნის დადასტურება და გადაუღეთ ფოტო დაფას, სადაც ჩანს რეისის სტატუსი. თუ შეძლებთ, მოითხოვეთ წერილობითი დადასტურებაც, რომ რეისი ნამდვილად დაგვიანდა.
რა გეკუთვნით აეროპორტში ლოდინისას?
თუ დაგვიანება 2 საათს აჭარბებს, ავიაკომპანიას, როგორც წესი, ევალება იზრუნოს მგზავრზე. ეს შეიძლება მოიაზრებდეს საკვებს, სასმელს და კომუნიკაციის შესაძლებლობას. თუ რეისი უკვე მომდევნო დღისთვის გადაიდო, კომპანიამ უნდა უზრუნველგყოთ სასტუმროთი და ტრანსპორტირებითაც.
თუ რაიმეს გადახდა თავად მოგიწიათ, მაგალითად საკვების ან ტაქსის, ყველა ქვითარი აუცილებლად შეინახეთ. სწორედ ეს დოკუმენტები დაგეხმარებათ შემდეგ ანაზღაურების მოთხოვნაში.
როდის გეკუთვნით კომპენსაცია?
ყველა დაგვიანებულ რეისზე ფული არ გაიცემა, მაგრამ ბევრ შემთხვევაში კომპენსაცია ნამდვილად შესაძლებელია. თუ რეისი საბოლოო დანიშნულების ადგილზე 3 საათზე მეტით გვიან ჩავიდა და პრობლემა ავიაკომპანიის პასუხისმგებლობა იყო, მაგალითად ტექნიკური გაუმართაობა ან ოპერაციული შეფერხება, მაშინ ფრენის კომპენსაცია 250 დან 600 ევრომდე მარტივად შეიძლება მოითხოვოთ.
- 250 € — 1500 კმ-მდე მანძილზე;
- 400 € — 1500-დან 3500 კმ-მდე;
- 600 € — 3500 კმ-ზე მეტ მანძილზე.
თუ დაგვიანების მიზეზი იყო ცუდი ამინდი, უსაფრთხოების რისკი ან სხვა საგანგებო გარემოება, კომპენსაცია ჩვეულებრივ არ გაიცემა, თუმცა ზრუნვის ვალდებულება მაინც შეიძლება დარჩეს.
თანხის დაბრუნება თუ სხვა რეისი?
თუ რეისი 5 საათზე მეტით გადაიდო, უკვე გაქვთ არჩევანი. შეგიძლიათ უარი თქვათ ფრენაზე და მოითხოვოთ ავიაბილეთების სრული ღირებულების დაბრუნება, ან მოითხოვოთ ალტერნატიული რეისი დანიშნულების ადგილამდე. ამიტომ ასეთ დროს არ იჩქაროთ და კარგად გადაამოწმეთ, რას გთავაზობთ ავიაკომპანია.
როგორ მოვიქცეთ, თუ რეისი შეფერხდა?
- შეინახეთ ჩასხდომის ბარათი და ყველა სამგზავრო დოკუმენტი
- მოითხოვეთ ინფორმაცია: ჰკითხეთ ავიაკომპანიის წარმომადგენელს დაგვიანების კონკრეტული მიზეზი.
- დააფიქსირეთ ხარჯები: შეინახეთ კვების ან ტრანსპორტირების ქვითრები, თუ ავიაკომპანიამ ეს სერვისი ვერ უზრუნველყო.
- მიმართეთ FlyHelp-ს: თუ თვლით, რომ თქვენი უფლებები დაირღვა, პროფესიონალური დახმარება დააჩქარებს კომპენსაციის მიღების პროცესს.
რეისის დაგვიანება ყოველთვის უსიამოვნოა, მაგრამ თუ იცით თქვენი უფლებები და სწორად მოქმედებთ, სიტუაცია ბევრად უფრო მართვადი ხდება. ასეთ დროს მთავარი არის სამი რამ: სიმშვიდე, მტკიცებულებები და დროული რეაგირება.
Avia.ge – თქვენი მოგზაურობის ერთგული მეგობარი. სრული მხარდაჭერისთვის დაგვიკავშირდით: 551 907 907