Armenia Aircompany სახელს იცვლის და ამიერიდან ავიაკომპანიის ახალი სახელი Air Dilijans -ი იქნება.
„იმის გათვალისწინებით, რომ სომხეთის რესპუბლიკაში ამჟამად მრავალი კომპანიაა, რომელთა სახელებიც Armenia -ს შეიცავს, Aircompany Armenia იძულებულია შეცვალოს სახელი, რათა არ მოხდეს მგზავრების შეცდომაში შეყვანა. ეს გადაწყვეტილება მიღებულ იქნა ჩვენი მგზავრების ინტერესებიდან გამომდინარე. ასევე იმისათვის, რომ დაზოგონ დრო და უზრუნველვყოფილნი იყვნენ ავიაკომპანიის მომსახურების კომფორტულად შეძენით,” – აცხადებენ ავიაკომპანიაში.
ავიაკომპანია დილიჟანი თბილისი ერევანი , ერევანი თბილისი -ს მიმართულებით ფრენებს კვირაში ორი სიხშირით ახორციელებს. რეისები ყოველ ოთხშაბათს და პარასკევს სრულდება და ფრენის ხანგრძლივობა 30 წუთია.
Aircompany Armenia 2015 წლის ბოლოს დაარსდა. მის ბაზას ერევნის საერთაშორისო აეროპორტი – ზვარტნოცი წარმოადგენს. ამჟამად დილიჟანი რეისებს თბილისის, პარიზის, ამსტერდამის, ვენის, მილანის და სხვა მიმართულებით ახორციელებს. ფრენები კი ორი ტიპის ახალი თაობის თვითმფრინავებით სრულდება, როგორიცაა: Boeing 737-800 და Boeing 737-500.