Air Serbia ავიაკომპანია ეარ სერბია

Air Serbia არის სერბეთის ეროვნული ავიაკომპანია, რომელიც გამოირჩევა საიმედოობით, მაღალი ხარისხის მომსახურებით და განვითარებული მიმართულებების ქსელით. კომპანია ბაზირებულია ბელგრადში და წარმოადგენს ერთ-ერთ წამყვან ავიაგადამზიდავს ბალკანეთის რეგიონში. Air Serbia-ს პარტნიორობა Etihad Airways-თან აძლიერებს მის პოზიციას გლობალურ ბაზარზე და სერვისის ხარისხს.

ავიაკომპანია დაარსდა ჯერ კიდევ 1927 წელს სახელწოდებით Aeroput და წარმოადგენს ერთ-ერთ უძველეს მოქმედ ავიაგადამზიდავს ევროპაში. თანამედროვე სახელწოდება – Air Serbia კომპანიამ 2013 წელს მიიღო მას შემდეგ, რაც სერბეთის მთავრობამ და Etihad Airways-მა პარტნიორული შეთანხმება გააფორმეს. Air Serbia-მ მნიშვნელოვანი მოდერნიზაცია განიცადა და გადაიქცა თანამედროვე, კონკურენტუნარიან ავიაკომპანიად.

რა მიმართულებით ახორციელებს ფრენებს  Air Serbia ?

Air Serbia ახორციელებს ფრენებს 80-ზე მეტი მიმართულებით ევროპის, ჩრდილოეთ აფრიკის, ახლო აღმოსავლეთისა და ჩრდილოეთ ამერიკის მიმართულებით. ბელგრადის ნიკოლა ტესლას საერთაშორისო აეროპორტი წარმოადგენს კომპანიის ძირითად ჰაბს, საიდანაც ხორციელდება რეგულარული რეისები ისეთი პოპულარული ქალაქებისკენ, როგორიცაა პარიზი, ლონდონი, ამსტერდამი, რომი, ბერლინი, ათენი, სტამბოლი, ნიუ-იორკი და სხვა.

2025 წლიდან Air Serbia აგრძელებს გაფართოებას და იწყებს ახალი მიმართულებების დამატებას, მათ შორის საქართველოში ფრენებს. კერძოდ, ბელგრადსა და თბილისს შორის პირდაპირი რეგულარული ავიამიმოსვლა 15 ივნისიდან დაიწყება. რეისები კვირაში 3-ჯერ, Airbus 319 -ით შესრულდება. აღსანიშნავია, რომ საქართველოსა და სერბეთს შორის ამ დრომდე პირდაპირი რეგულარული ავიამიმოსვლა არასდროს ყოფილა.

ეს შექმნის დამატებით შესაძლებლობებს პირდაპირი ან მოსახერხებელი ტრანზიტით მგზავრობისთვის თბილისიდან ევროპის დიდ ქალაქებში.

ფლოტი და ტექნოლოგიები

Air Serbia-ს ფლოტი შედგება Airbus A319, A320 და A330 თვითმფრინავებისგან, რომლებიც გათვლილია როგორც მოკლე, ისე გრძელ დისტანციებზე ფრენებისთვის. A330-ით ხორციელდება შორ მანძილზე ფრენები, მათ შორის ბელგრადი-ნიუ-იორკის ხაზზე. ყველა თვითმფრინავი აღჭურვილია თანამედროვე ავიატექნოლოგიებით, რაც უზრუნველყოფს უსაფრთხო და კომფორტულ მგზავრობას.

სერვისები და კომფორტი

Air Serbia განსაკუთრებულ ყურადღებას აქცევს მგზავრთა კომფორტს – როგორც ეკონომ, ისე ბიზნეს კლასში. ბიზნესკლასის მგზავრებს სთავაზობენ დასაწოლ სავარძლებს, პირად გასართობ სისტემასა და მაღალი ხარისხის სერბულ და საერთაშორისო კერძებს. ეკონომკლასში კი შემოთავაზებულია კომფორტული სავარძლები და სხვადასხვა გასართობი პროგრამა. ბორტზე ტრადიციული სერბული კერძები, რაც ავიაკომპანიისთვის გამორჩეული კულტურული გამოცდილების ელემენტია.

Air Serbia ასევე აქტიურად ავითარებს ეკოლოგიურ პოლიტიკას, იყენებს საწვავის ეფექტურ ტექნოლოგიებს და მიისწრაფვის ნახშირბადის ემისიების შემცირებისკენ.

სამომავლო გეგმები

Air Serbia აგრძელებს ბაზრების გაფართოებას და ახალი მიმართულებების დამატებას. კომპანიის მიზანია სერბეთი და ბალკანეთის რეგიონი კიდევ უფრო მჭიდროდ დააკავშიროს მსოფლიოს წამყვან ქალაქებთან, რასაც თან ერთვის სერვისების გაუმჯობესება, ეკოლოგიური პასუხისმგებლობა და ტექნოლოგიური ინოვაციები.

აღნიშნული ავიაკომპანიით სარგებლობამდე, გაეცანით შემდეგ ინფორმაციას, რათა გდაგეგმოთ  მოგზაურობა მარტივად და გახადოთ ის სასიამოვნო.

ინფორმაცია ბარგის შესახებ

ხელბარგი:

• ეკონომკლასის მგზავრებს შეუძლიათ თან იქონიონ ერთი ერთეული ხელბარგი (მაქს. 8 კგ), ზომით 55 x 40 x 20 სმ.
• ბიზნესკლასში ნებადართულია ორი ერთეული ხელბარგი, თითო 8 კგ-მდე.

ჩასაბარებელი ბარგი:

• ეკონომკლასში: ერთი ერთეული ბარგი მაქსიმუმ 23 კგ-მდე.
• ბიზნესკლასში: ორი ერთეული ბარგი, თითო 32 კგ-მდე.

ინფორმაცია რეგისტრაციის შესახებ: 

Air Serbia გთავაზობთ მრავალფეროვან რეგისტრაციის ვარიანტს:

• ონლაინ რეგისტრაცია: ხელმისაწვდომია რეისის გამგზავრებამდე 36 საათით ადრე (გარდა ნიუ-იორკის რეისისა, სადაც რეგისტრაცია იხსნება 24 საათით ადრე).

• აეროპორტის რეგისტრაცია: რეგისტრაცია იწყება ფრენამდე 2 საათით ადრე და სრულდება 45 წუთით ადრე.

• თვითმომსახურების კიოსკები: ზოგიერთ აეროპორტში ხელმისაწვდომია რეგისტრაციის ავტომატური კიოსკებიც.

შეიძინე Air Serbia -ს ავიაბილეთები ყველაზე იაფად Avia.ge-ზე. დაგვირეკე: 551 907 907 ხელმისაწვდომია ვაიბერიც.