უნგრული დაბალბიუჯეტური ავიაკომპანია Wizz Air-ი მწარმოებელ Airbus-თან მოლაპარაკებებს აწარმოებს, რათა შეკვეთილი თვითმფრინავების ნაწილის მიწოდება გადაავადოს. მიუხედავად იმისა, რომ ავიაკომპანიას Airbus-ისგან თითქმის 300 ახალი თვითმფრინავი აქვს შეკვეთილი, მისი ზრდის ტემპი ბოლო პერიოდში შეფერხდა.
Bloomberg-ის ინფორმაციით, Wizz Air -ი ითხოვს დაახლოებით 100 ერთეული ახალი თაობის თვითმფრინავის მიწოდების გადატანას 2030 წლის შემდგომ პერიოდზე. თავდაპირველი გეგმით, ეს თვითმფრინავები კომპანიას 2030 წლამდე უნდა მიეღო.
ამ გადაწყვეტილების რამდენიმე ძირითადი მიზეზი არსებობს:
Wizz Air პირდაპირი ფრენები ქუთაისიდან
| მიმართულება | გამგზავრების თარიღი | დაბრუნების თარიღი | ავიაკომპანიის ლოგო | ავიაბილეთების მოძებნა |
|---|---|---|---|---|
| ათენი | 4 დეკემბერი 2026 | 6 დეკემბერი 2026 |  | ავიაბილეთები 214 -დან |
| ბარსელონა | 18 იანვარი 2027 | 24 იანვარი 2027 | | ავიაბილეთები 385 -დან |
| ბერლინი | 21 იანვარი 2027 | 26 იანვარი 2027 | | ავიაბილეთები 330 -დან |
| ბრიუსელი | 21 თებერვალი 2027 | 28 თებერვალი 2027 | | ავიაბილეთები 276 -დან |
| ბრატისლავა | 13 მაისი 2027 | 20 მაისი 2027 | | ავიაბილეთები 285 -დან |
| ბუდაპეშტი | 21 თებერვალი 2027 | 25 თებერვალი 2027 | | ავიაბილეთები 262 -დან |
| დორტმუნდი | 21 იანვარი 2027 | 28 იანვარი 2027 | | ავიაბილეთები 294 -დან |
| მემინგენი | 18 იანვარი 2027 | 25 იანვარი 2027 | | ავიაბილეთები 315 -დან |
| ფრანკფურტი | 21 ნოემბერი 2026 | 24 ნოემბერი 2026 | | ავიაბილეთები 477 -დან |
| ჰამბურგი | 20 აპრილი 2027 | 25 მაისი 2027 | | ავიაბილეთები 744 -დან |
- გაფართოების შენელება: Wizz Air-ი ამცირებს ფლოტისა და ქსელის ზრდის დაგეგმილ ტემპს. თვითმფრინავების მიღების გადავადება კომპანიის კაპიტალის ზრდას თავდაპირველად დაგეგმილი 14%-ის ნაცვლად, 10%-მდე შეზღუდავს.
- ძრავების სერიოზული პრობლემები: ავიაკომპანიას პრობლემები შეექმნა Pratt & Whitney (PW1000G) ძრავებთან, რომლებიც მის A321neo მოდელებზეა დამონტაჟებული. მწარმოებლური დეფექტის გამო აუცილებელი გახდა ძრავების მასობრივი ინსპექცია და შეკეთება, რის შედეგადაც Wizz Air-ის A321neo ფლოტის თითქმის მეოთხედი იძულებით დამიწებულია. ავიაკომპანიაში ვარაუდობენ, რომ ეს პრობლემა 2027 წლის ბოლომდე გასტანს.
- სტრატეგიული ცვლილებები: Wizz Air-მა შეამცირა განსაკუთრებით შორ მანძილზე მფრენი A321XLR მოდელების შეკვეთა 10-15 ერთეულამდე. ეს ნაწილობრივ განპირობებულია აბუ დაბიში ბაზირებული შვილობილი კომპანიის დახურვით, რის გამოც დამატებითი ფრენის სიშორე კომპანიისთვის ნაკლებად პრიორიტეტული გახდა.
მიუხედავად ამ გამოწვევებისა, A321neo მოდელი Wizz Air-ის მომავლის მთავარ ნაწილად რჩება. ავიაკომპანიას ამჟამად 141 თვითმფრინავი ჰყავს, თუმცა ჯამში 276 ერთეული A321neo (სტანდარტული და XLR მოდელები) აქვს შეკვეთილი, რაც მომავალში ფლოტის თითქმის გასამმაგებას გულისხმობს.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907