Wizz Air-ი ქუთაისის აეროპორტიდან რამდენიმე მიმართულებას აღადგენს

Wizz Air Georgia -ის ფრენების აღდგენას საქართველოში განსაკუთრებულად ელოდებიან. საქართველოს საავიაციო ბაზარზე არსებული ყველაზე დაბალბიუჯეტური ავიაკომპანია ყველაზე დიდი პოპულარულობით სარგებლობს ქართველ მოგზაურებში.

ავიაკომპანია Wizz Air-მა 18 აპრილიდან ფრენების აღდგენა ეტაპობრივად დაიწყო. თავდაპირველად, განაახლა ფრენები ვარშავისა და ვილნიუსის მიმართულებით.

დღეს კი ცნობილი გახდა, რომ ავიაკომპანია კიდევ რამდენიმე მიმართულებით განაახლებს ოპერირებას. ეს მიმართულებებია:

დორტმუნდი – ქუთაისი – დორტმუნდი: ფრენები განახლდება 21 მაისიდან და შესრულდება ყოველ პარასკევს.

რიგა – ქუთაისი – რიგა: ფრენები განახლდება 14 მაისიდან და შესრულდება ყოველ პარასკევს.

კატოვიცე-ქუთაისი-კატოვიცე: ფრენები განახლდება 29 მაისიდან და შესრულდება ყოველ შაბათს.

გდანსკი-ქუთაისი-გდანსკი: ფრენები განახლდება 30 მაისიდან და შესრულდება ყოველ კვირას.

რაც შეეხება ვარშავის მიმართულებას, რომელზეც უკვე სრულდება ფრენები, 13 მაისიდან ავიაკომპაია რეისების სიხშირეს ზრდის. Wizz Air-ი ვარშავა – ქუთაისი – ვარშავის მიმართულებით კვირაში 2 სიხშირით იფრენს, ყოველ ხუთშაბათს და კვირას.