Wizz Air აბუ-დაბის, ბარსელონას, ვენის და ბერლინის მიმართულებით იფრენს

ავიაკომპანია Wizz Air-ი ქუთაისის საერთაშორისო აეროპორტიდან ახალ მიმართულებას ამატებს და ასევე, 3 მიმართულებას აღადგენს.

ქუთაისის საერთაშორისო აეროპორტიდან პირველად გახდება შესაძლებელი ახლო აღმოსავლეთში გამგზავრება. კერძოდ, Wizz Air Abu Dhabi -ი 16 დეკემბრიდან აბუ-დაბის მიმართულებით იწყებს ოპერირებას.

აბუ-დაბი ქუთაისი აბუ-დაბის საჰაერო ხაზზე ავიაკომპანია რეისებს კვირაში 2 სიხშირით შეასრულებს.

რაც შეეხება აღდგენილ მიმართულებებს, ესენია: ბარსელონა, ვენა და ბერლინი.

სამივე მიმართულებით ფრენები ნოემბრიდან აღდგება.

ვენის მიმართულებით რეისები კვირაში 2 სიხშირით შესრულდება.

ბერლინის მიმართულებით თავდაპირველად კვირაში 1 სიხშირით.

ბარსელონას მიმართულებით, ასევე, საწყის ეტაპზე კვირაში ერთი სიხშირით შესრულდება.