საშემოდგომო და საზამთრო ფასდაკლებები ავიაბილეთებზე

შემოდგომის დადგომასთან და ზამთრის მოახლოებასთან ერთად, ავიაკომპანიები სხვადასხვა აქციებსა და ფასდაკლებებს გვთავაზობენ. ოქროსფერი მოგზაურობის მოწყობა, რასაც შემოდგომის ულამაზესი ფერები განაპირობებს, იმაზე მარტივია, ვიდრე წარმოგიდგენიათ.

ყველაზე პოპულარული ქვეყნებისა და ქალაქების მონახულებას, წლის ერთ-ერთ ყველაზე ლამაზ სეზონზე საკმაოდ ბიუჯეტურ ფასად შეძლებთ.

ავიაკომპანია „უკრაინის ავიახაზები“, რომელიც უკვე დიდი ხანია საქართველოში ოპერირებს და ქართველ მომხმარებელს ემსახურება, საშემოდგომო ფასდაკლებებს გვთავაზობს.

ლონდონი, მადრიდი, პარიზი, ნიუ-იორკი ის არასრული ჩამონთვალია, რომელზეც “UIA”-ს აქცია ვრცელდება. თქვენ შანსი გეძლევათ, რომ ასეთ დაუვიწყარ და, ხშირ შემთხვევაში, ხელმიუწვდომელ ქვეყნებში მოგზაურობა საკმაოდ მისაღებ ფასად მოიწყოთ.

იაფი ავიაბილეთების დაჯავშნა 13 ოქტომბრამდეა შესაძლებელი და ეხება იმ ფრენებს, რომლებიც 2019 წლის 4 ნოემბრიდან 2020 წლის 29 თებერვლამდე შესრულდება.

შემდეგი სეზონი კი, რომელზეც მოგზაურების რაოდენობა ნამდვილად პიკს აღწევს, არანაკლები სიახლეებითა და აქციებით გამოირჩება. პოლონური ავიახაზები „LOT Airlines” , ქართველ მომხმარებელს ზამთრის სეზონზე დიდ ფასდაკლებებს სთავაზობს.

თქვენ გაქვთ შესაძლებლობა, რომ დაესწროთ საოცარ საშობაო ბაზრობებს, დაკავდეთ ზამთრის სხვადასხვა  სპორტული აქტივობებით ან თავი დააღწიოთ სიცივეს და გაემგზავროთ ეგზოტიკურ და ცხელ ქვეყნებში.

LOT-ი გვთავაზობს ეკონომ კლასის  ავიაბილეთებს დაბალ ფასად ისეთი მიმართულებებით, როგორებიცაა პოლონეთი, აზიის ქვეყნები და ჩრდილოეთ ამერიკა. ხოლო, პრემიუმ ეკონომისა და ბიზნეს კლასების ავიაბილეთებზე აქცია ვრცელდება ისეთი მიმართულებებით, როგორებიცაა შრი-ლანკა და ტორონტო.

გაითვალისწინეთ, რომ აქციები გრძელდება 15 ოქტომბრამდე.