ჩარტერული ფრენების შესრულება კიევის მიმართულებით ოქტომბრის თვეშიც გრძელდება. რეისები ისევ გამყვანი იქნება და მგზავრებს მხოლოდ თბილისი-კიევის საჰაერო ხაზზე მოემსახურებიან ავიაკომპანიები.
თბილისი-კიევის ჩარტერულ ფრენებს ოქტომბერში ორი უკრაინული ავიაკომპანია Skyup-ი და YanAir-ი შეასრულებენ. ორივე ავიაკომპანია რეისებს თბილისის საერთაშორისო აეროპორტიდან კიევის ბორისპოლის აეროპორტში განახორციელებენ. ავიარეისებს უმრავლესობას ავიაკომპანია Skyup-ი შეასრულებს, YanAir-ი კი ჯერჯერობით მხოლოდ ერთ რეისს გვთავაზობს.
თბილისი-კიევის ავიარეისების განრიგი შემდეგნაირად გამოიყურება:
Skyup
10, 17, 24, 31 ოქტომბერი
YanAir
6 ოქტომბერი
აღსანიშნავია, რომ 28 სექტემბრამდე კიევში გამგზავრება საქართველოს მოქალაქეებისთვის რაიმე დოკუმენტაციის გარეშე შეზღუდული იყო და კიევის რეისებით სარგებლობა მხოლოდ ტრანზიტულად შეეძლოთ. თუმცა, ეს შეზღუდვა უკვე მოხსნილია და საქართველოს ნებისმიერ მოქალაქებს ნებისმიერი მიზნით შეუძლია კიევში გამგზავრება.