ოქტომბრის ჩარტერული ფრენების განრიგს ერთ-ერთი ყველაზე მოთხოვნადი მიმართულება- ათენი დაემატა. თბილისი-ათენის საჰაერო ხაზზე ჩარტერული ფრენა გამყვანი იქნება და მგზავრებს ცალმხრივად, თბილისიდან ათენის მიმართულებით მოემსახურება.
ჩარტერული ფრენა ათენის მიმართულებით 11 ოქტომბერს შესრულდება. ავიაკომპანია Aegean Airlines-ი რეისს თბილისის საერთაშორისო ათენის ელიფთერიოს ვენიზელოსის აეროპორტში შეასრულებს. გაფრენა 11 ოქტომბერს თბილისიდან 04:00 საათზე იქნება, ათენში ჩაფრენა კი 06:30 საათზე საბერძნეთის დროით.
აღნიშნული რეისით სარგებლობა შესაძლებელია როგორც ტურისტულად, ისე მოწვევის საფუძველზეც.