საქართველოს ავიაბაზარზე სასიამოვნო სიახლეა. მალე თბილისის საერთაშორისო აეროპორტში ახალი ავიაკომპანია იწყებს ოპერირებას, რომელიც ახალ მიმართულებას შემოგვთავაზებს.
გერმანული ავიაკომპანია Condor Airlines – ი 1 მაისიდან საქართველოს საჰაერო სივრცეს შემოუერთდება. ავიაკომპანია ფრანკფურტი – თბილისი – ფრანკფურტის მიმართულებით იწყებს ოპერირებას. რეისები კვირაში 2 სიხშირით, ყოველ ხუთშაბათს და კვირას შესრულდება Boeing 757 და Airbus 321 საჰაერო ხომალდებით.
ფრანკფურტი გერმანიის მე-4 მიმართულებაა მიუნხენის (Lufthansa), დიუსელდორფისა (Eurowings) და შტუტგარდის შემდეგ (Eurowings, იწყება ივლისიდან) სადაც თბილისის აეროპორტიდან პირდაპირი რეგულარული ფრენები განხორციელდება.