საქართველოს საავიაციო ბაზარზე ახალი ავიაკომპანიის სახით მატებაა. როგორც ცნობილი გახდა, თურქული ავიაკომპანია Freebird Airlines-ი ზაფხულის სეზონზე თბილისის მიმართულებით ბოდრუმიდან და ანტალიიდან შეასრულებს ფრენებს.
Freebird Airlines-ი ანტალია-თბილისი-ანტალიის საჰაერო ხაზზე რეისების შესრულებას 28 მაისიდან დაიწყებს და კვირაში 2 სიხშირით იფრენს, შემდგომ კი მისი რეისების რაოდენობა კვირაში 5 სიხშირემდე გაიზარდება.
რაც შეეხება მეორე მიმართულებას, ბოდრუმი-თბილისი-ბოდრუმის საჰაერო ხაზზე Freebird Airlines-ი კვირაში 1 სიხშირით იფრენს.
თურქული ავიაკომპანია Freebird Airlines-ი “Gözen Holding”-ში შემავალი ავიაკომპანიაა და ძირითადად ჩარტერულ ფრენებზეა ორიენტირებული.