ევროპის ყველაზე მოთხოვნადი ტურისტული მიმართულებები მზარდი ტურიზმის უარყოფით შედეგებთან საბრძოლველად ახალ, მკაცრ ზომებს ნერგავენ. ადგილობრივი მთავრობები მიზნად ისახავენ კულტურული მემკვიდრეობის დაცვას, საზოგადოებრივი წესრიგისა და სისუფთავის შენარჩუნებას. წესების დამრღვევთათვის სოლიდური ფულადი ჯარიმებია გათვალისწინებული.
იტალია
იტალიის ქალაქები ტურისტების მიმართ განსაკუთრებით მკაცრ მიდგომას იყენებენ:
- ვენეცია: არხებში ბანაობა, ისტორიულ ძეგლებზე ჩამოჯდომა და გიდების მიერ ხმამაღალი გამაძლიერებლების გამოყენება იკრძალება. ჯარიმის მოცულობა 50-დან 500 ევრომდეა.
- რომი : „მარადიულ ქალაქში“ აკრძალულია ცნობილ შადრევნებში ჩასვლა, თვითნებურ ადგილებში პიკნიკის მოწყობა და ალკოჰოლის საჯაროდ მიღება. ჯარიმა 450 ევროს აღწევს.
- ფლორენცია: ისტორიული შენობების კიბეებზე ან ქუჩაში ჩამოჯდომისა და ტროტუარზე საკვების მირთმევისთვის შესაძლოა 500 ევროთი დაჯარიმდეთ.
ქუთაისი რომი
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 21 ოქტომბერი 2025 | 25 ოქტომბერი 2025 |  | ავიაბილეთები 626 -დან |
| 18 ნოემბერი 2025 | 22 ნოემბერი 2025 |  | ავიაბილეთები 247 -დან |
| 11 დეკემბერი 2025 | 14 დეკემბერი 2025 | | ავიაბილეთები 238 -დან |
ესპანეთი
- ბარსელონა : ესპანეთში ერთ-ერთი ყველაზე მკაცრი რეგულაციები ბარსელონაშია. ქუჩაში ალკოჰოლის დალევა აკრძალულია, ხოლო ქალაქის ქუჩებში ნახევრად შიშველ მდგომარეობაში სიარულისთვის ჯარიმა 300 ევრომდეა.
- პალმა-დე-მალიორკა: აქაც, საზოგადოებრივ სივრცეებში ალკოჰოლური სასმელების მიღება დაუშვებელია.
საბერძნეთი
- ათენი : ათენის აკროპოლისზე ისტორიული ძეგლის გადატვირთვისგან დასაცავად ვიზიტორთა დღიური ლიმიტი დაწესდა. უძველეს კომპლექსს დღეში მხოლოდ 20,000 ადამიანი შეძლებს ეწვიოს.
საფრანგეთი
- პარიზი: პარიზში, ზაფხულის სეზონზე, მდინარე სენის სანაპიროებზე ალკოჰოლის მოხმარება იკრძალება. ამასთან, იგეგმება ახალი სისტემის დანერგვა, რომელიც მგზავრებს ევროპის სხვა ქალაქების მიმართულებით მატარებლის ბილეთების ფასების დინამიკის შესახებ მიაწვდის ინფორმაციას.
ეს ახალი წესები ევროპული ქვეყნების სტრატეგიაა, რათა დააბალანსონ ტურიზმიდან მიღებული ეკონომიკური სარგებელი და ადგილობრივი გარემოსა და კულტურული მემკვიდრეობის დაცვის აუცილებლობა. მოგზაურებს ურჩევენ, გამგზავრებამდე გაეცნონ დანიშნულების ადგილას მოქმედ კანონებსა და შეზღუდვებს.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907