საქართველოს ავიაბაზარზე სასიამოვნო სიახლეა – გერმანული ავიაკომპანია Condor Airlines ოპერირებას ანახლებს. ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.
ეს გადაწყვეტილება მნიშვნელოვნად გაამარტივებს მიმოსვლას საქართველოსა და გერმანიას შორის და მგზავრებს ახალ, კომფორტულ სამოგზაურო შესაძლებლობებს შესთავაზებს.
პირდაპირი ფრენები 2026 წლის ზაფხულიდან
ოფიციალური ინფორმაციით, Condor Airlines ფრენებს 2026 წლის 15 ივნისიდან დაიწყებს. რეისები თბილისი ფრანკფურტი ფრანკფურტი თბილისი -ს საჰაერო ხაზზე ყოველდღიურ რეჟიმში შესრულდება.
აღსანიშნავია, რომ გერმანული ავიაკომპანია საქართველოს ბაზარზე 2022-2023 წლებშიც ოპერირებდა, თუმცა მაშინ ფრენები კვირაში მხოლოდ ორჯერ სრულდებოდა. ორწლიანი პაუზის შემდეგ დაბრუნება და სიხშირის ზრდა (ყოველდღიური ფრენები) მოთხოვნის ზრდასა და მიმართულების პოპულარობაზე მიუთითებს.
თბილისი ფრანკფურტი ავიაბილეთები
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 19 ნოემბერი 2025 | 20 ნოემბერი 2025 | 1 Გაჩერება |  | ავიაბილეთები 972 -დან |
| 20 ნოემბერი 2025 | 28 ნოემბერი 2025 | 1 Გაჩერება |  | ავიაბილეთები 738 -დან |
| 4 დეკემბერი 2025 | 11 დეკემბერი 2025 | 1 Გაჩერება |  | ავიაბილეთები 472 -დან |
| 19 დეკემბერი 2025 | 15 იანვარი 2026 | 1 Გაჩერება | | ავიაბილეთები 625 -დან |
| 31 დეკემბერი 2025 | 8 იანვარი 2026 | 1 Გაჩერება |  | ავიაბილეთები 838 -დან |
| 22 იანვარი 2026 | 29 იანვარი 2026 | 1 Გაჩერება | | ავიაბილეთები 609 -დან |
| 9 თებერვალი 2026 | 15 თებერვალი 2026 | 2 Გაჩერება | | ავიაბილეთები 614 -დან |
| 22 თებერვალი 2026 | 6 მარტი 2026 | 2 Გაჩერება | | ავიაბილეთები 642 -დან |
| 19 ივნისი 2026 | 22 ივნისი 2026 | 2 Გაჩერება |  | ავიაბილეთები 959 -დან |
| 1 ივლისი 2026 | 31 ივლისი 2026 | 1 Გაჩერება | | ავიაბილეთები 1 047 -დან |
| 19 ოქტომბერი 2026 | 19 ოქტომბერი 2026 | 1 Გაჩერება |  | ავიაბილეთები 917 -დან |
ტრანსატლანტიკური ფრენები და ტურიზმის განვითარება
Condor-ის დაბრუნება სტრატეგიულად მნიშვნელოვანია არა მხოლოდ გერმანიასთან კავშირისთვის, არამედ ტრანსატლანტიკური გადაადგილებისთვისაც. ფრანკფურტის აეროპორტი მსოფლიოში ერთ-ერთი უდიდესი საავიაციო ჰაბია, რაც ქართველ მგზავრებს საშუალებას მისცემს, მარტივად დაუკავშირდნენ ამერიკის კონტინენტს.
ეკონომიკისა და მდგრადი განვითარების სამინისტროს განცხადებით:
„ტურიზმისა და ავიაციის სექტორების განვითარება ჩვენი უწყების ერთ-ერთი მთავარი პრიორიტეტია. გერმანია ამ კუთხით მნიშვნელოვანი მიზნობრივი ბაზარია, ხოლო ფრანკფურტი, როგორც წამყვანი საავიაციო ჰაბი, გადამწყვეტ როლს ითამაშებს ტურისტული ნაკადების ზრდასა და საქართველოს ცნობადობის ამაღლებაში.“
ავიაკომპანია Condor-ის შესახებ
Condor Airlines 1955 წელს დაარსდა და მისი მთავარი ბაზა ფრანკფურტის აეროპორტში მდებარეობს. ავიაკომპანია გამოირჩევა ფართო ქსელით და ამჟამად ფრენებს ასრულებს 81 მიმართულებით, მათ შორის:
- ევროპა
- აფრიკა
- ჩრდილოეთ და სამხრეთ ამერიკა
- კარიბის აუზი და ხმელთაშუა ზღვის რეგიონი
ავიაბილეთების შეძენა უკვე შესაძლებელია ავიაკომპანიის ოფიციალურ ვებ-გვერდზე და პარტნიორ სააგენტოებში.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907