ჩინეთი მორიგი სუპერ ამბიციური სიახლით წარსდგა მსოფლიოს წინაშე. ჩინური სახელმწიფო საწარმო Commercial Aircraft Corp of China იგივე – Comac C919, მომავალ კვირას, ჩინეთის ისტორიაში პირველ კომერციულ ავიალაინერს წარადგენს. ჩინურმა თვითმფრინავმა კონკურენცია ბაზრის 2 უმთავრეს მოთამაშეს – Boeing და Airbus თვითმფრინავებს უნდა გაუწიოს.
Comac C919 არის ვიწრო ტანის თვითმფრინავი, რომელიც შექმნილია ჩინური თვითმფრინავების მწარმოებლის Comac-ის მიერ.
საერთაშორისო ბაზარზე C919-ის გამოჩენას ამჟამად განსაკუთრებით დიდი მნიშვნელობა აქვს, რადგან დასავლურ კონკურენტებს მოთხოვნის დაკმაყოფილება უჭირთ, ეს კი ახალი თვითმფრინავების დეფიციტს წარმოშობს.
ჩინური სამგზავრო ავიაბორტის შექმნილზე მუშაობა ჯერ კიდევ 2008 წელს დაიწყო, ხოლო პირველი ფრენა 2017 წელს განხორციელდა. როგორც კომპანიაში განმარტავენ, თვითმფრინავზე მუშაობა დასრულებულია და ის მზად არის ფრენების დასაწყებად.
ახალმა ჩინურმა თვითმფრინავმა ანუ C919 -მა კონკურენცია Boeing 737 MAX -ს Airbus A320NEO -ს უნდა გაუწიოს. ბორტზე მგზავრების მაქსიმალური რაოდენობა 168-ს აღწევს და ერთი აფრენით 5500 კილომეტრის დაფარვაა შესაძლებელი. როგორ ცნობილია ჩინური ბორტი ბაზარზე რამდენიმე ვარიანტით იქნება წარმოდგენილი, დანიშნულებისა და საბაზო სეგმენტის გათვალისწინებით.