ლატვიური ავიაკომპანია AirBaltic-ი თბილისის საერთაშორისო აეროპორტის მიმართულებით რეისებს აღადგენს. აღნიშნულია ინფორმაცია უკვე დაადასტურა თბილისისა და ბათუმის საერთაშორისო აეროპორტების ოპერატორმა კომპანიამ, TAV Georgia-მ.
AirBaltic-ი რიგა-თბილისი-რიგას საჰაერო ხაზზე რეგულარულ ფრენებს 28 მარტიდან განაახლებს. როგორც უკვე ცნობილია, ავიაკომპანია აღნიშნულ მიმართულებაზე კვირაში 4 სიხშირით შეასრულებს რეისებს.
გარდა იმისა, რომ კიდევ ერთი მიმართულების აღდგენა ნამდვილად სასიხარულო სიახლეა, განსაკუთრებით სასიამოვნოა ის ფაქტი, რომ საქართველოში ბრუნდება ავიაკომპანია, რომელმაც პანდემიის განმავლობაში თავის მგზავრებს განსაკუთრებული უსაფრთხო გარემო შეუქმნა. AirBaltic-ი გახდა პირველი ავიაკომპანია, რომელმაც პანდემიის დროს თვითმფრინავებზე უსაფრთხოების უზრუნველყოფისთვის, Skytrax-გან 5-ვარსკვლავიანი რეიტინგი მიიღო.