ევროპის 2 ქვეყანა, რომლებიც ტურისტულად გაიხსნა აცრილთათვის

ევროპის გარკვეული ქვეყნები ზაფხულის სეზონთან დაკავშირებით ტურისტებისთვის საზღვრებს ხსნიან. ქვეყნები, რომლებმაც ტურისტებს უკვე გაუღეს კარი, ესპანეთი და საფრანგეთია.

ესპანეთის შინაგან საქმეთა მინისტრის ბრძანებით, 7 ივნისიდან ესპანეთის ტერიტორიაზე ტურისტების მიღება დასაშვები გახდა. უცხო ქვეყნის მოქალაეები ყველანაირი შეზღუდვის გარეშე შეძლებენ ესპანეთში გამგზავრებას, მათ შორის, საქართველოს მოქალაქეებიც.

ესპანეთში გასამგზავრებლად აუცილებელია აკმაყოფილებდეთ შემდეგ პირობას:

თქვენ უნდა წარადგინოთ კოვიდვაქცინის სრული კურსის ჩატარების დამადასტურებელი დოკუმენტი.

აუცილებლად გაითვალისწინეთ, რომ კოვიდვაქცინის სრული ტესტი ესპანეთში გამგზავრებამდე 14 დღით ადრე უნდა გქონდეთ ჩატარებული იმ ვაქცინით, რომელიც ავტორიზებულია ევროპის მედიცინის სააგენტოს (ფაიზერი, j&j/იანსენი, მოდერნა, ასტრაზენეკა) ან ჯანმრთელობის მსოფლიო ორგანიაციის მიერ (სინოფარმი, სინოვაკი).

რაც შეეხება საფრანგეთს, მისი კარი ტურისტებისთვის 9 ივნისიდან გაიღო. საქართველო ნარინჯისფერი ქვეყნების სიაში მოხვდა, რაც იმას ნიშნავს, რომ საქართველოს მოქალაქეებისთვის საფრანგეთში შესვლისას შემდეგი პირობები იმოქმედებს:

ვაქცინირებული მოგზაურებისთვის: სავალდებულოა PCR ტესტი (72სთ) ან ანტიგენის ტესტი (48სთ).

არავაქცინირებული მოგზაურებისთვის: სავალდებულოა გადაუდებელი მოტივი მოგზაურობისთის, PCR ტესტი (72სთ) ან ანტიგენის ტესტი (48სთ), ჩასვლისას შესაძლო ტესტირება ან 7 დღით თვითიზოლაცია.